اسلام آباد۔ 29 دسمبر(اے پی پی) پاكستان مقبوضه جمو وكشمير كښې د درېو بې ګناه كشميريانو مزدورانو په غېر قانوني توګه د وژنې په اړه د نړيوالو پلټنو غوښتنه كړې ۔ درې واړه مزدوران هندي قابض پوځ په جولائي مياشت كښې شوپيان كښې د يوې جعلي مقابلې په مهال شهيدان كړې وو۔ د نهې په ورځ د خارجه دفتر وياند له مخې مقبوضه كشمير كښې د مزدورانو په جعلي مقابله كښې د شهادت انكشاف د كشميري اولس په ضد د روانو جرمونو ښكاره ثبوت دے۔ وياند ووئيل د كشميري اولس په ضد د هند د جرمونو فهرست اوږد دے۔ وياند ووئيل مقبوضه كشمير كښې د تېر كال په مهال د مېرمنو او كوچنيانو په شمول 300 نه زيات بې ګناه كشميريان په جعلي مقابلو كښې شهيدان كړې شوي۔ پاكستان پرله پسې د نړۍ پام د هندي پوځ د لاسه د بې ګناه كشميريانو غېر قانوني وژنو پلو راګرځوي۔ بلخوا د ملګرو ملتونو د بشري حقونو دفتر هائي كمشنر د كشمير په اړه د كال 2018 او 2019 خپلو دوو رپورټونو كښی د ماروائے عدالت مرګونو اعتراف كړے۔ پاکستان نړيوالې ورورولۍ نه غوښتنه كړې چې هغوي د كشميري اولس په ضد په جرمونو كولو د هند احتساب وكړي او د ملګرو ملتونو د سلامتي كونسل اړوندو قراردادونو او د كشميري اولس د هيلو له مخې د كشمير مسئلې حل له خپل كردار ترسره كړي۔
پاكستان مقبوضه كشمير كښې د درېو بې ګناه مزدورانو د وژنې په اړه د نړيوالو پلټنو غوښتنه وكړه
مضمون کا ماخذ : جیک اور بین اسٹالک
متعلقہ مضامین
