د آئين ترمخه مقننه او د عدليه پشمول د ټولو ادارو اختيارات او د هغوې كردار معلوم دے، پاكستان به تر ټولو عظيم هېواد جوړولې شي او د فسطائيت به په مړانه مقابله كولې شي۔د وزيراعظم قامي اسمبلۍ ته وينا

APP66-270722 ISLAMABAD: July 27 – Prime Minister Shehbaz Sharif is addressing National Assembly Session. APP

اسلام آباد 27 جولائي (اے پي پي) وزيراعظم شهباز شريف وئيلي دي د 1973ء آئين د هېواد د وحدت علامت دے، د آئين ترمخه مقننه او د عدليه پشمول د ټولو ادارو اختيارات او د هغوې كردار متعين دے، پاكستان به تر ټولو عظيم هېواد جوړولې شي او د فسطائيت به په مړانه مقابله كولې شي،دا سر جلا كيدے شي خو د چا په وړاندې ټيټيدلے نشي۔تر څو چې د ګوند او اولس باور ترلاسه دے هېواد د مسئلو څڅه وېستلو له به هر ممكن هڅې كوم۔ په سختو حالاتو كښې د اتحاديانو په وينا د سياست بچ كولو په ځاے مې د رياست بچ كولو لپاره د وزارت عظميٰ منصب قبول كړے، تر 8 كاله شپه ورځ زما په ضد د غلا او كرپشن درك لګولے شوے خو د يوې پېسې كرپشن نه دې ثابت شوے، كه مونږ رښتيا ته رښتيا او دروغو ته دروغ ونه ووئيل نو د هېواد ستونزي به نوري هم زياتي شي،د لوي څښتن په مهربانۍ او د دې ايوان په مرسته به هېواد د مسئلو څخه وېستلو لپاره خپل كردار ترسره كوم،كه مونږ كښې د يووالي جذبه وه نو مونږ به دې مسئلو څخه هېواد وېستلو كښې بريالي شوو۔ د شورو په ورځ قامي اسمبلۍ كښې د خپه وېنا كښې وزيراعظم شهباز شريف ووئيل ټول پاكستان كښې طوفاني بارانونو هر ځائے تباهي كړي ، بلوچستان، كراچۍ، سندھ،كے پي كے، پنجاب او د چترال پشمول نورو سيمو كښې مالي ځاني زيان شوے۔لوي څښتن دې پېښو كښې په حق رسيدليو ټولو كسانو له د خپل رحم په پلو كښې ځاے او ژوبل كسانو له روغ صحت وركړي۔ده ووئيل د دې صورتحال څخه مخلوط حكومت خبر دے ،څلورو واړو صوبو سره غونډي شوي،چرته چې هم كسان په حق رسيدلي ،د وګړو املاك ته زيان رسيدلے هلته ټول صوبائي حكومتونه د مرستي كارروائي كوي ، وفاقي حكومت هم اين ډي اېم اے د لارې د مرستي كاروائيو كښې شريك دے۔ وزيراعظم ووئيل څومره چې هم روپۍ زياتي شي د كوم انسان متبادل نه شي كيدے۔ وفاقي حكومت مالي امداد نه شاته شوے نه دے او مرسته به نوره هم زياتوي،سبا په دې لړ كښې غونډه رابللې شي، ده ووئېل د غونډي سفارشات تر مخه به د مرستې اعلان كولې شي۔ جھل مګسي، كوئټه، ژوب، چمن، ټانك، كراچۍ او ډيره اسماعيل خان كښې چې د كروندګرو كوم زيان شوے د هغې ازاله كولو كښې به بې غوري نه شي كولې۔ده ووئيل انساني فطرت دا دے چې بچي ته چې كله كوم تكليف رسي نو بچے مور له ورځي او مور بچي له ورځي۔ټولي ادارې د دې ايوان څخه وتللې دي، دا ايوان د مور حيثيت لري۔ ده ووئېل د 1973ء آئين ذوالفقار علي بھټو په مشرۍ كښې مرتب كړے شوے،دا آئين د هېواد د وحدت لويه نخښه ده، بدترينه وختونو كښې دې آئين د نړۍ په وړاندې پاكستان قوي او په متحده ډول وړاندې كړے او تر پيړيو به دا آئين هېواد قوي كوي۔ ده ووئيل حاكميت د لوي څښتن دے او هغه د هېواد او زمونږ د ټولو خالق دے او كوم اختيار چې لوي څښتن د هېواد 22 كروړه اولس دې نمائنده ايوان له وركړې هغه د مقدس امانت په توګه دا ايوان استعمالوي۔ ده ووئېل د آئين له مخې مقننه او د عدليه پشمول د ټولو ادارو آئين كښې كردار متعين دے، آئين ټولو ادارو ته ښائي چې په دې دائره كښې د هېواد خذمت كول دي خو په هېواد كښې د بده مرغه مارشل لاء راغلې او تر لسيزو قائم پاتې شوي،د دې په نتيجه كښې هېواد مات شوے ، جمهوريت ته وده نه ده ترلاسه شوې ۔ده ووئيل اغيار آئي اېم اېف او غريبي شاته پرېښودې خو مونږ تر اوسه د مسئلو ښكار يو،او نه پوهېږو چې تر څو به د قرضو سره مخ يو۔ وزيراعظم ووئيل د 2018ء په ټاكنو كښې بدترينه ټګي شوې ، د شپې په تياره كښې آر ټي ايس بند شوے ، يو پخواني چيف جسټس په امر شميرې اېسارې كړے شوي۔د 2018ء حكومت د تاريخ د تګۍ پيداوار ؤ۔درې نيم كاله كښې 20 زره اربه څخه زياته پور اخسستلے شوے۔ 5.8 فيصد جي ډي پي 2019ء كښې د يو فيصد څخه كمه شوې ، وګړې بے روزګاره شوي۔ ده ووئېل د پاكستان معيشت ته زيان رسيدلے خو هغه وخت اپوزيشن پريكړه چې سياست په ځائې رياست بچ كول دي،ټولو مشرانو په ګډه پريكړه كړې ځكه چې هغوې ته معلومه وه چې هېواد ديواليه كيدونكے دے ، بيروزګاري او ګراني زياته شوې۔ده پوښتنه وكړه چې آيا مونږ د غلا په دروازه راغلې يو ؟ مونږ په وزيراعظم هاؤس نه يو ورختلي،مونږ د ووت په طاقت سره د تاريخ بدترين چيلنج قبول كړے دے

مضمون کا ماخذ : سلور لائونیس 4x ضرب