اسلام آباد ۔ 16 اگست (اے پی پی) دفتر خارجہ دے ت??جمان ڈاکٹر محمد فیصل آکھے جو بھارت پاکستان اُتے الزام لاونڑ دی جاہ اُتے آپ دا گھر درست ??رے ، بھارت پاکستان دے مختلف حصیاں اچ دہشت گردی اچ ملوث ہے،پاکستان اتے افغانستان معینہ م??ت اچ افغان مہاجرین دی تکھے اتے مکمل وطن واپسی دے منصوبے اُتے کم کریندے پئے ہن ، ایں بارے افغان وفد تکھے صلاح سانگے پاکستان دا دورہ کریسی ، غزنی اچ اجوکے دہشت گرد واقعات اچ کجھ پاکستانی عناصر دے ملوث ہونڑ بارے افغان حکام دے الزامات کوڑے ہن ۔ پاک افغان سرحد اُتے خار دار باڑ لاونڑ دا عمل ڈو سالیں اچ پورا تھی ویسی ، پاکستان کہیں وی ملک دے خلاف یکطرفہ پابندیاں دی مخالفت کریسی ۔ خمیس کوں ہفتہ وار پریس بریفنگ اچ صحافیاں دے مختلف سوالیں دے جواب اچ ترجمان بھارت اُتے زور ڈتا جو او ہر واقعہ دی ذمہ داری آئی ایس آئی اُتے پاونڑ دی بجائے آپ دا گھر درست ??رے ۔ نئی دہلی کوں بلوغت دا مظاہرہ کریندے ہوئیں الزام لاونڑ توں باز آونڑاں چاہیدے ۔ ترجمان آکھیا جو بھارت پاکستان اچ دہشت گردی اتے اندرونی معاملیاں اچ مداخلت اچ ملوث ہے کلبھوش یادیو دی بلوچستان توں گرفتاری اتے اوندے اعترافی بیانات ایں گالھ دا واضح ثبوت ہن ۔ انہاں آکھیا جو حقیقت اچ بھارت مقبوضہ کشمیر اچ عالمی مظالم توں عالمی توجہ ہٹاونڑ سانگے پاکستان دے خلاف کوڑے الزام لیندا پئے ۔ آسٹریلیا اچ پاکستانی طالب علم اُتے حملے بارے ہک سوال دے جواب اچ ترجمان آکھیا جو دفتر خارجہ اسلام آباد اچ آسٹریلین ہائی کمیشن دے نا?? رابطے اچ ہے جڈانجو ایں واقعے اُتے آسٹریلیا نا?? سخت احتجاج وی کیتا گئے ، امریکی امداد بارے سوال اُتے ت??جمان آکھیا جو سارے سکیورٹی امداد معطل کرڈتی گئی ہے جڈانجو ایندے نا?? پاکستانی فوجی افسراں کیتے خصوصی تربیتی پروگرام انٹر نیشنل ملٹری ایجوکیشن ٹریننگ(آئی ایم ای ٹی)وی متاثر تھئے ۔
دفتر خارجہ دے ترجمان ڈاکٹر محمد فیصل دی پریس بریفنگ
مضمون کا ماخذ : میگا جیک پاٹس: کلیوپیٹرا
متعلقہ مضامین
