كه سازش كؤونكي نه منع كيږي نو نواز شريف به په څلورم او پنځم ځل هم وزيراعظم جوړېږي۔
اسلام آباد ۔ 5 جولائی (اے پی پی) د وزيراعظم محمد نواز شريف لور مريم نواز شريف وئيلي دي كه د وزيراعظم نواز شريف په ضد شازش وكړې شي نو هغه به د وړاندې نه زيات قوت سره بېا وټاكلې شي ۔ كه سازش كوؤنكي د خپلو سازشونو څخه منع نه شول نو نواز شريف به په څلورم او پنځم ځل بيا وزيراعظم جوړ شي۔ نواز شريف كه څوك منع كولې شي نو منع دې كړي ګني پاكستان څخه به ترهه ګري ختمه شي۔ لوډشېډنګ به ختم شي۔ سړكونه به جوړ شي۔ سي پېك به بشپړ شي او هغه به د كال 2018ء ټاكنې هم وګټي۔ اولس د نواز شريف طاقت دے۔ هغه ځانګړې لارښود دے په كوم چې اولس باور لري۔ نه به هغه سر ټيټ كړي او نه به خپل ووټ كمېدو له وركړي۔ هغه د آئين ٬ قانون او اولس سرلوړۍ له ولاړ دے او وي به۔ د ده نه غېر بل كوم لارښو د غېر قانوني او غېر آئيني ګام په وړاندې د ودرېدو همت ??ه لري۔ د نواز شريف لور د هغه كمزوري ګڼونكي به كه لوئے څښتن ته منظور وي د هغه قوت وويني۔ د دې خيالاتو څرګندونه مريم نواز د شورؤ په ورځ د پانامه پېپرز كېس پلټنې كوؤنكې ډلې (جے آئي ټي )ته د وړاندې كېدو څخه وروستو د فېډرل جوډيشل اكېډمۍ څخه بهر ميډيا سره خبرو كښې وكړه۔ په دې مهال د وزيراعظم دوه ځامن حسېن نواز شريف او حسن نواز شريف ٬ د اطلاعات او خپرونو دوهمه وزيره مريم اورنګزېب او د مسلم ليګ ن لارښود او ګن شمېر كارمندان موجود وو۔ مریم نواز شریف په دې مهال دې سره د يو والي څرګندونه كوونكو او د نېكو هيلو پېغامونه رالېږونكو مننه كولو سره ووئيل دا يو والې او جذبه به ماته ټول عمري ياده وي۔ دې ووئيل د دوه ساعته پېشۍ په مهال مې د پوښتنو ځوابونه وركړل۔ د سترې محكمې په حكم كښې زما نامه نه وه۔ دې ووئيل په ما درخواست وركوؤنكي چې كوم تورونه لګولي د وزيراعظم په كفالت كښې د كېدو يا د بېنیفشری كېدو كوم تور ئې ثابت كړې نه دې۔ دې ووئيل ما نن د پاكستان لور په حېث ٬ د وزيراعظم لور په حېث او د هغه انسان لور په حېث چا چې ټول عمري د قانون احترام كړې هغه قرض ادا كړو د كوم ادا كول چې په ما واجب نه وو۔ مريم نواز ووئېل مانه چې كومې پوښتنې وشوې ما ئې ځواب وركړو او په آخر كښې ما پوښتنه وكړه په مونږ تور د څه دے۔ د هغوي سره د دغې هېڅ ځواب نه ؤ۔ دې ووئيل دا د نړۍ اولنۍ جے آئي ټي ده جې اول جوړېږي او بيا په تورونو پسې ګرځي چې تور څه ولګولې شي۔ مریم نواز شریف ووئيل ما لپاره د خوشحالي او وزيراعظم لپاره د وياړ وړ خبره د دې نه زياته څه كېدې شي چه تورونه لګوؤنكو هغه تورونه لګولي كوم چې د ذاتي كاروبار په حقله دي۔ او د هغه لسيزو په اړه دي كله چې وزيراعظم سياست ته نه ؤ راغلې۔ او يا زما د خدائے بخښلي نيكه د كاروبار په حقله دي۔ دې ووئيل پاکستان كښې چې د سي پېك يا برېښنا څومره هم لوئې منصوبې روانې دي په دې د مسلم ليګ (ن) او نواز شريف ټاپه لګېدلې۔ دې ووئيل په درېو واړو دورونو كښې د كرپشن خو لرې خبره ده د يو پېسې تور هم نه دې لګېدلې ۔ مريم ووئېل وزیراعظم د 60 ٬ 70 او 80 لسيزه كښې د خپل كاروبار په اړه وئيلي ؤ چې دغه كاروبار كښې يوه هم سركاري پېسه نه وه چې ځواب ئې وركړې شي۔ دې په ډاګه كړه چې په مونږ د اولس يوه پېسه هم نشته۔ او په چا چې د اولس د پېسو خوړولو كېسونه دي هغوي عدالت څخه حكم امتناعي اخستې ده ۔ دې ووئيل زمونږ كورنۍ بزنس د 70 او 80 كلونو څخه دے او مونږ د خپلو اثاثو جواز او ځواب لرو۔ مریم نواز شریف ووئيل زمونږ تعلق حكومت ??وؤنكې كورنۍ سره دے او د لوئے څښتن په دربار كښې د حكومت ??وؤنكي احتساب ډېر سخت وي۔ دې ووئېل مونږ اوس هم ځواب كوؤ وړاندې مو هم كړې او څو څو وارې مو هم ځواب كړې۔ دا پنځم احتساب روان دے۔ دې ووئېل 5 مياشتې كېس ستره محكمه كښې روان ؤ اوس په جے آئي ټي كښې ځواب وركوو۔ كوم ځواب چې آخرت كښې وركول ؤ هغه بوج مو سپك شوے دے۔ ولې زه د هغه انسان په دنيا او آخرت دواړو ېرېږم چا چې د 20 كروړه اولس په وړاندې بې بنسټه تورونه ولګول او په ځان ئې دومره بوج بار كړو د كوم ځواب چې هغه په آخرت كښې څه دنيا كښې هم نشي وركولې۔ دې ووئيل د پانامه ليك سره سره زما په ډان ليك كښې د ككړولو هڅه هم شوې۔ دغسې چې د لور په نامه په يو پلار فشار واچولې شي۔ د نواز شريف لور د هغه كمزوري ګڼونكي به كه لوئے څښتن ته منظور وي د هغه قوت وويني۔ دې ووئيل زه نن د پاكستان هرې هغه لور ته مخاطب يم كومه چې خپل پلار سره مينه لري۔ او هر هغه پلار ته مخاطب يم كوم چې خپلې لور سره مينه لري۔ مريم نواز ووئېل كه د نواز شريف لور په دې سوب په نخښه كولې شي چې د وزيراعظم نواز شريف لور ده نو زه به ځواب ځكه وركوم چې د نواز شريف لور يم۔ مريم نواز ووئيل د ملا د تكليف په بهانه مونږ ګاډې روغتون ته بوتللې شو ٬ د عدالتونو نه تښتېدو لپاره د نتھيا ګلي په سركاري رېسټ هاؤس كښې پټېدې شوو ولې مونږ حساب وركړو۔ دې ووئيل اولس د نواز شريف طاقت دے او اولس په هغه باور لري۔ نواز شريف هغه ځانګړې لارښود دے كوم به چې نه په خپله چا ته سر ټيټ كړي او نه به خپل ووټر دغې له وركړي۔ هغه د آئين ٬ قانون او اولس سرلوړۍ له ولاړ دے او ولاړ به وي۔ د هغه نه غېر بل كوم لارښود د كوم غېر قانوني او غېر آئيني ګام په وړاندې د مضبوط اودرېدو همت ??ه لري۔ دې ووئيل په پانامه ليكس كښې د 400، 500 كورنيو نامې راغلي او د خن??ا خبره دا ده چې په پانامه ليكس كښې د چا نامې دي هغوي زمونږ په ضد مقدمې كوي۔ مريم نواز ووئېل هغوي خپلې آف شور كمپنۍ لري د هغوي هغه حلال دي او د نورو حرام۔ دې تپوس وكړو د يوې كورنۍ به څومره احتساب كوئ۔ دې ووئيل په مياشتو ستره محكمه كښې كېس پروت ؤ هېڅ نتيجه ئې رامخې ته نه شوه۔ دې په ډاګه كړه چې كه د نواز شريف په ضد سازش كوۍ نو نواز شريف به د وړاندې نه زيات طاقت سره حكومت ترلاسه كوي۔ دې ووئيل نواز شريف منع كړۍ ګني هېواد څخه به ترهګري ختمه شي۔ د نواز شريف لاره ونيسۍ ګني د برېښنا منصبوې به بشپړې شي۔ لوډشېډنګ به ختم شي۔ سړكونه به جوړ شي۔ دې ووئېل نواز شريف منع كړۍ ګني سي پېك به بشپړ شي۔ نواز شريف منع كړۍ ګني هغه به د كال 2018 ټاكنې وګټي
ھغه قرض مې ادا كړو چې راپورې نه ؤ۔ مريم نواز
مضمون کا ماخذ : نمبروں دا میگا سینا
متعلقہ مضامین
