اسلام آباد 12 دسمبر (اے پي پي) د علامه اقبال اوپن پوهنتون وائس چانسلر ډاكټر ضياالحق قيوم وئيلي دي چې علامه اقبال اوپن پوهنتون د ضرورت په دې وخت كښې په خپل ورور هېواد افغانستان كښې د تعليم ودې لپاره سيمه ايز دفتر جوړولو ته تيار دے. قومي خبر رسنې ادارې ” اے پي پي” سره په خپله ځانګړې مركه كښې د پوهنتون وائس چانسلر ووئيل چې دا پوهنتون د وړاندې نه په بېلا بېلو څانګو كښې د ورور هېواد مرسته كوي خو د وفاقي حكومت د منظورې نه پس به سيمه ايز دفتر هم جوړ كړے شي. ده ووئيل چې د ورور هېواد د مرستې كولو اقدام د افغانستان د لوړو زده د وزارت د پلاوي د اوسنې دورې نه پس ګړندې شوے، د دورې په مهال د پلاوي غړو پوهنتون ته خواست كړے و چې دوي په هېواد كښې دې د تعليم ودې، د تعليمي انفراسټركچر بيا رغونې او د افغان ښوونكو په تربيه كښې مرسته وكړې شي. ده ووئيل چې افغانستان زمونږ ورور هېواد دے كوم چې د تېرو څلورو لسيزو څخه ستونزو سره مخ دے. پاكستان تل د دوي په ملاتړ كښې مهم كردار ترسره كړے دے او پاكستان هم زيان زغملې دے. ده ووئيل چې علامه اقبال اوپن پوهنتون د وړاندې په مهاجر كېمپونو كښې د مېشته افغان زده كوونكو د پوهنتون څخه په زده كړې كولو كښې مرسته كوي. ده ووئيل چې اوس علامه اقبال اوپن پوهنتون په افغانستان كښې سيمه ايز دفتر جوړولو ته تيار دے.
علامه اقبال اوپن پوهنتون په افغانستان كښې سيمه ايز دفتر جوړولو ته تيار دے. د پوهنتون وائس چانسلر ډاكټر ضياالحق قيوم
مضمون کا ماخذ : resultados loteria São Paulo
متعلقہ مضامین
