اسلام آباد 22 اکتوبر (اے پي پي) پاكستان خبردارے وركړے كه هند په ګلګت بلتستان يا آزاد جمو كشمير كوم بريد وكړو نو د دې به په زړه پورې ځواب وركولے شي، پاكستان به په مقبوضه جمو كشمير كښې د هندي ظلمونو په ضد غږ پورته كوي، په افغانستان كښې امن او استحكام د ټولې منطقې په ګټه دے. د خارجه دفتر وياند د زيارت په ورځ د اوونيز بريفنګ په مهال ووئيل بايد د هند مشرتابه د پاكستاني قام عزم ٬ صلاحيت او زمونږ د وسله والو ځواكونو وظيفه اي پوهه او جنګي تيارې نظرانداز نه كړي. ده ووئيل ټول قام د هند هر ډول ناوړه مقصد په ضد يو موټے دے. ده ووئيل بايد هند په سوئيلي اسيا كښې مستقل امن او استحكام لپاره ګاونډيانو هېوادونو سره د كشمير مسئلې پشمول ټولې شخړې په سوله ايز ډول حل كړي. وياند په هند كښې په سوشل مېډيا د پاكستان په اړه د بدنيتې په بنياد د بې بنسټه خبرونو او پروپېګنډې كمپائن هم نوټس واخست او وې وئيل د بي جے پي- آر اېس اېس حكومت په اشاره د پاكستان په ضد د هندۍ مېډيا هڅې د خاص ذهنيت عكاسي كوي. وياند ووئيل هند د پاكستان په ضد د بې بنسټه كمپائن او د فرضي قيصو د لارې په مقبوضه جمو او كشميړ كښې د بشري حقونو څخه د سرغړونو او كشميريان په اقليت د بدلولو پشمول د غېر قانوني اقداماتو څخه نړيوال پام نه شي اړولے . وياند ووئيل په مقبوضه كشمير كښې د 444 ورځو څخه محاصره روانه ده، تېره مياشت د هند قابضو ځواكونو 18 بې ګناه كشميريان شهيدان كړي. ده ووئيل پاكستان به په مقبوضه كشمير كښې غېر انساني مظالم په ډاګه كوي. وياند ووئيل په هند كښې د 800 مليونو نه زيات خلق د غربت د كرښې نه لاندې ژوند تېروي. بايد هند په خپلو خطرناكو ستراتېژيكي عزائمو د عملدرآمد په ځائ د هېواد سماجي او اقتصادي بهترې ته پام وكړي
په افغانستان كښې امن او استحكام د ټولې منطقې په ګټه دے. د خارجه دفتر وياند اوونيز بريفنګ
مضمون کا ماخذ : وائکنگز گو برزرک
متعلقہ مضامین
