اسلام آباد 07 اكتوبر (اے پي پي) داخله وزير رانا ثنا الله خان وئيلي دي د وزيراعظم آفس په سائبر سکيورټي برېچ كښې خپله يا د بهرنۍ يوه اېجنسي ككړه نه ده٬ تر دې وخته د تحقيقات له مخې دا معامله كسانو پلو روانه ده، د اسلام آباد په رېډ زون كښې به د هر ډول احتجاج يا دهرنې كولو اجازه ورنه كړو٬ كه تحريك انصاف په اسلام آباد قبضې لپاره راځي نو د دوي لاره به په هر قيمت نيسو، د عمران خان سياست ته هم د ھغه اډيو ليكس كفن واچولو، نور د ډاكوانو او شوكمارو په نامه بلونكې عمران خان خپل كردار د فرح ګوګي، هارس ټريډنګ او د توشه خانې ډالۍ غلا كول دي٬ فارن فنډنګ كېس كښې سېف نيازي په حفاظتي حراست كښې اخستلے شوے، كه ضروري شوه نو باقاعده ګرفتارۍڅخه به د تفيش عمل مخ په وړاندې بيايو، دا مهال د ګرفتارۍ نه زيات مهم عمران خان اولس ته څرګندولدي۔ د جمعې په ورځ پرېس كنفرنس ته خپلې وېنا كښې رانا ثنا الله خان ووئيل د يو كال راهسې زه هم يوه خبره كوم چې عمران خان يوه فنته ده، ھغه قام تقسيمول غواړي٬ د قام ځوانان ګمراه كول غواړي٬ قام له د دې فتنې شناخت او ادراك كول پكار دي ګني نو دې به قام لوئې پېښې سره مخ كړي۔ ده ووئيل نن قام ته د عمران خان پحقله دومره معلومات تر لاسه شوي چې اوس خو دوي له د دې فتنې ادراك پكار دے٬ په ننني ليك شوې آډيو كښې عمران خان وائي چې نمبر ګېم تر سره شوے ، د اوس نه راتلونكې 48 ساعته ډېر مهم دي٬ دا د ھغه وخت خبره ده كله چې عدم اعتماد وړاندې كېدو، يوه ناسمه بيانيه جوړولو لپاره عمران خان د هېواد مفادات ته څومره زيان رسولے چې اثر به ئې پاكستان له تر څو لسيزو برداشت كول وي۔ داخله وزير ووئيل كه هره ورځ هم داسې ټولګي په اسلام آباد بريد كوي نو بيا به د پارلمان٬ سپريم کورټ، هائي کورټ پشمول د يوې ادارې حاجت پاتې نشي٬ د هېواد او قام په خاطر به په بشپړ طاقت او کمټمنټ د لانګ مارچ لاره نيسو، ده ووئېل مونږ د عمران خان د ټولو ارادو نه خبر يو٬ د انتظامي انتظامات نه علاوه په دوه تجويزونو په سياسي توګه بحث روان دے٬ وخت راتللو سره به په دې پرېكړه كولې شي۔ ده ووئيل د خېبرپښتونخوا او پنجاب حكومت د رويو به هم مشاهده كوٶ او دوي به د آئين په دائره كښې د راوستلو هڅې كوٶ څوك چې د آئين او قانون نه بالا اقدام كوي په ضد به ئې كاروائي كوٶ۔ د يوې پوښتنې په ځواب ده ووئيل په فارن فنډنګ کېس سيف نيازي نه دې وړاندې شوے٬ ھغه په حفاظتي حراست كښې اخستلے شوے٬ كه ضروري وه نو په باقاعده ګرفتارۍنه پس به د تفتيش عمل مخ په وړاندې بيايو۔ ۔ ده ووئيل د وزيراعظمد آډيو ليك پحقله تحقيقاتي ډله حتمي پړاٶ ته رسېدلې۔ ده ووئيل ځينې خبريالان او اېنكر پرسن وائي چې زه سخته خبره كوم۔ وفاقي وزير رانا ثنا الله خان د پرېس كنفرنس په مهال عمران خان مبينه آډيو ليك ميډيا ته واورولو چې پكښې عمران خان هارس ټرېډنګ كوي ٬ ميډيا ته د پروجيکټر دلارې واورولې شوے په مبينه آډيو ليك كښې عمران خان وائي چې ته په لويه غلط فهمۍ كښې ئې چې جناب اوس نمبر ګېم ترسره شوي ، دا نمبر داسې نه دي ٬ داسې سوچ مه كوې چې هر څه ختم شول٬ د عمران خان وېنا په آډيو كښې اورېدې شي چې د اوس نه 48 ساعته is a long long time، په دې كښې ډېر څيزونه كېږي٬ زه د خپل اړخ نه يو شمېر داٶونه چلوم، كوم چې مونږ پبلك كولې نشو٬ عمران خان وائي چې پنځه خو زه اخلم، ما سره دي پنځه٬ زه به مېسج وركوم چې ھغه كوم پنځه دي٬ ھغه پنځه ډېر مهم دي، دوي ته اووائۍ چې ھغوي مونږ ته پنځه سېكيور كړي كنه٬ نو دا به لس شي نو دا ګېم به زمونږ په لاسو كښې وي۔ ليك آډيو كښې عمران خان وائي چې دا مهال قام الارم شوے٬ يعنې across the board خلق غواړي چې مونږ په څه طريقه وګټو نو په دې كښې څوك دا فكر مه كوې چې دا ټهيك دي كه غلط٬ چې هر چال وي٬ په آډيو كښې عمران خان وائي چې كه يو يو كس هم څوك جلا كړي نو دې سره به هم ډېر فرق پرېوځي
د وزيراعظم آفس په سائبر سکيورټي برېچ كښې خپلهيا د بهر يوه اېجنسي هم ككړه نه ده٬ د لانګ مارچ لاره به په طاقت نيسو۔ د رانا ثناء الله خان خبري كنفرنس
مضمون کا ماخذ : خداؤں کی عمر
متعلقہ مضامین
