اسلام آباد۔25جنوری(اے پی پی) د اطلاعات او خپرونو وفاقي وزير سېنېټر شبلي فراز وئيلي دي زمونږ واسطه د داسې اپوزيشن سره راغلې كوم چې جمهوريت كښې خوښي لري او نه د هېواد په پرمختګ كښې۔ دا خلق سياست كاروباري موقعې ګڼي۔ دا خلك د مافياز او قبضه مافيا سرپرستي كوي۔ نواز شريف په خپل حكومت كښې د اولس كوم خذمت نه دے كړے۔ د هېواد په پېسه لوټ كولو ئې بهر جائيدادونه جوړ كړي۔ اوسني حكومت ته د دغه جائيدادونو د لاسه براډشيټ له جرمانه وركول پغاړه شوې۔ اپوزيشن د عمران خان سره ځكه مسئله لري چې هغه اېن آر او نه وركوي۔ وزيراعظم به د هېواد پیسه لوټ كوؤنكي عناصر نه پرېږدي۔ د ګل په ورځ نجي ټي وي چېنل سره خبرو كښې هغه ووئيل حکومت هېڅ حاجت نه لري چې د پي ډي اېم منت زاري وكړي۔ د دوي بيانونه تضاد لري او د دوي منزل هم يو نه دے۔ اپوزيشن دې اوښائي چرته لاړې د هغوي استعفګانې ٬ بائيكاټ او لانګ مارچ څه شؤ۔ پخوانو حكومتونو چې په 30 كاله كښې هېواد كومو ستونزو سره مخ كړے په 30 مياشتې كښې هغه لرې كېدې نه شي۔ سېنېټر شبلي فراز ووئيل نواز شريف عدالتونو نه تښتېدلے دے۔ هغه په خپلو دورنو كښې اولس له د روغتيا او زده كړو په څانګو كښې هېڅ كار نه دي وركړې۔ هغه ووئيل پخوانو حكومتونو قرض اخستلو سره په هغه منصوبو كار كړې كومو كښې چې هغوي كمېشنز اغستے۔ وفاقي وزير ووئيل نواز شريف لندن كښې تر ټولو ګران ځائے كښې استوګنه لري ٬ د هغه زامن وائي مونږ پاكستانيان نه يؤ۔ هغوي د كروړونو ګھړۍ په لاس لري او ګران پېزار په پښو كوي۔ هغوي سره د بې وزله اولس د خېر ښېګړې خبرې نه ښائي۔ وفاقي وزير شبلی فراز ووئيل ن ليګ خپل حكومت كښې ډالر ته مصنوعي سهارا وركولو سره د هېواد صنعت تباه كړے او د هغوي د ګرانو لوظنامو د لاسه برېښنا ګرانه شوې۔ هغه ووئيل هغوي چې د ټېكس په اړه كوم اصلاحات كړي هغې سره د ټېكس وركوؤنكو شمېره كمه شوې
اپوزیشن په جمهوريت كښې خوښي لري او نه د هېواد په پرمختګ كښې۔ نواز شریف د هېواد پېسه په لوټ كولو بهر هېوادونو كښې جائيدادونه جوړ كړي۔ د وفاقي وزير شبلي فراز نجي ټي وي چېنل سره خبرې
مضمون کا ماخذ : لافانی رومانس
متعلقہ مضامین
