امپائر د پاكستان سره ولاړ دے٬هغه د پاكستان فكر لري٬اتحاديان وزيراعظم عمران خان سره ملګري دي٬د تصادم نه د ډډې كولو ضرورت دے۔د كورنيو چارو وفاقي وزير شېخ رشيد احمد مېډيا سره خبرې

APP47-150322 LAHORE: March 15 Interior Minister Sheikh Rashid Ahmed talking to media persons. APP Photo by Mustafa Lashari

لاهور 15مارچ (اے پی پی) د كورنيو چارو وفاقي وزير شېخ رشيد احمد وئېلي دي امپائر د پاكستان سره ولاړ دے٬هغه د پاكستان فكر لري٬اتحاديان وزيراعظم عمران خان سره ملګري دي٬د تصادم نه د ډډې كولو ضرورت دے٬هغوي د جمهوريت پلويان دي٬كه معامل حل نه شوه نو بيا به دمادم مست قلندر وي٬په ټاكنو كوول كښې يو كال پاتې دے ٬د پاكستان تقاضا ده چې په هېواد كښې دې اړے ګړے جوړ نه كړے شي٬د ډېرې مودې نه پس په پاكستان كښې د او آئي سي د خارجه وزيرانو كنفرنس كېدونكے دے۔ده دا خبرې د نهې په ورځ په لاهور كښې مېډيا سره په څپلو خبرو كښې وكړې۔د كورنيو چارو وفاقي وزير شېخ رشيد احمد ووئيل د مارچ د 23مې نېټې نه د مارچ تر 30مه نېټې موده ډېره مهمه ده٬تحريك انصاف د مارچ په 27مه نېټه د غونډې كولو نېټه ايښودې۔ده ووئيل مولانا فضل الرحمان د څلورو مياشتو نه د لانګ مارچ خبرې كوي٬زما يوازې دا خواست دے چې هېواد دې د اړي ګړي نه بچ كړے شي۔ده ووئيل مولانا فضل الرحمان وائي چې مونږ ډانګونه په تېلو كښې ايښودي دي٬ده سره داسې خبرې ښه نه ښكاري ٬هغه عالم دين دے٬بايد هغه ته معلومه وي چې داسې سياست به ونه چلېږي٬ځكه چې د دې خطرناكې نتيجې راوتلې شي۔ده ووئيل اپوزېشن دې د مارچ په 23مه نېټه راشي٬امنيت به وركړو۔ده ووئيل اپوزېشن دې راشي د عدم اعتماد په تحريك كښې دې رائے وركړي كه چا يې مخه ونيوله نو زه يې ذمه وار يم٬مونږ د اېف سي او رينجرز دوه زره ځوانان راطلب كړي ۔ده ووئيل په نړۍ كښې څه روان دي٬ د روسيې او يوكرين صورتحال د ټولو په وړاندې دے۔د ډېرې مودې نه پس په پاكستان كښې د او آئي سي د خارجه وزيرانو كنفرنس كېږي ٬ كېدې شي چې په دې كښې د چين خارجه وزير هم ګډون وكړي۔ده ووئيل د اپوزېشن 172 كسان نه پوره كېږي٬زمونږ اتحاديان خوشحاله دي٬ده ووئيل ټول اتحاديان به د وزيراعظم ملګرتيا كوي

مضمون کا ماخذ : números sorteados lotomania