اسلام آباد 06جولائي (اے پي پي) صدر ډاکټر عارف علوي خبردارے وركړے چې په نسل پرستۍ او منافرت آډانه د هندوتوا نظريې له مخې په مسلمانانو د ظلمونو دوامداره ساتلو په صورت به هند كورني اړي ګړي سره مخ شي۔ هند كښې د امن سباٶن د اقلتيونو په خاص توګه د مسلمانانو سره په ساتلې رويهمنحصر دے۔ صدر دا خبرې د نهې په ورځ نېشنل ډيفنس يونيورسټۍ (اېن ډي يو) كښې د نړيوالو اړيكو څانګې تر سېوري لاندې “هند كښې د هندوتوا اداره سازي د سيمه ايزې سلامتيا نقطه نظر ” په سرخط نړيوال كنفرنس ته خپله وېنا كښې وكړې۔ په کنفرنس كښې د امريکې، چين، ايران، المان او پاکستان دانشورانو ګډون كولو او د هندوتوا انتها پسندۍ په ځائي تناظر كښې په نړيواله كچه د اسلامو فوبيا په زيات شوي رجحان ئې څرګندونې وكړې۔ صدر ووئيل هند پخپل تاريخي نقطه نظر كښې كله هم يو هېواد نه ٶ بلكې د 500 نه د زياتو شاهي رياستونو مجموعه ده كوم چې د نسل كشۍ او په اقليتونو د كېدونكو ظلمونو په مخ نيوي نه كولو نن هم راپرېوتے شي۔ صدر ډاكټر عارف علوي ووئيل د مودي حكومت په سرپرستۍ هندوتوا نظريې ته وده وركړې كېږي، چې ورسره به په هندۍ ټولنه كښې تشدد او ناامني خپره شي او د دغې په نتيجه كښې به پاكستان د خپلو خاميو او انتها پسندانه پاليسو ذمه وار ګرځوي ۔ ده ووئيل د هندپه غېر قانوني مقبوضه جمو و كشمير كښې د مسلمانانو په ضد بربريت او د دوي نسل كشي د هندوتوا پاليسو عملي څرګندونه ده۔ ده ووئيل د هند لخوا په دې ورستيو كښې د بدل شوي “شهريت ايکټ” نه د هندوتوا د متعصبانه ذهنيت عکاسي كېږي چې مقصد ئې د مسلم اكثريت لرونكې د كشمير آبادي بدلول دي۔ ده ووئيل د مودي سركار لخوا دا ډول كاروائۍ د “نسلي صفائي” مترادف ګرځولې شوي چې تر مخه ئې د هند په غېر قانوني مقبوضه جمو و كشمير كښې د بشري حقونو د خلاف ورزو مخ نيويله په هند فشار اچولو لپاره د نړۍ خاص پام كولو ته اړتيا ده۔ ډاکټر عارف علوي ووئيل نړۍ د خپلې ذاتي ګټې له امله دغه سيمه كښې پرېشان كن صورتحال په سنجيدګۍ سره نه اخلي۔ ده ووئيل مونږ غواړو چې نړيواله ورورلي د هند حقيقي عكس اويني كوم چې د مسلمانانو په ضد د كركې ښكاره عكاسي كوي۔ ده دا خبره رامخې ته كړهچې د مسلمانانو شمېره د هند د ودانۍ نزدې 15 فيصد ده، خو افسوس دا دے چې هغوي د هند پارلمان كښې د خپلې مناسبې نمائندګۍ سره سره سرکاري ملازمتونو كښې د برخې وركولو نه هم محروم ساتلے شوي۔ ده ووئيلهند نور اقليتونه په خاصتوګه مسلمانان نشي زغملے او دغسې هند د مسلمانانو خدمات پټولو نه پس تاريخ بيا ليكل غواړي۔ صدر په دې لړ كښې د چېك مورخ ميلان کنډيرا د تصنيف “The Book of Laughter and Forgetting” د يو اقتباس حواله وركړه چې پكښې وئيلي شوي د خلقو د خاتمې وړومبے ګام د دوي كتابونه٬ كلتور او تاريخ ختمولو نه پس د دوي څخه يادونه تروړل دي۔ صدردهند د دانشور خوشونت سنګھ د کتاب ‘End of India’ او د هند مېرمنې خبريالې رانا ايوب “Gujarat Files: Anatomy of a Cover Up”هم ذكر وكړو كوم كښې چې د هند د تشدد نه ډك ٬ د كركې او په تعصب آډانه د تاريخ تاريك نظريات رامخې ته كړې شوي۔ صدرد پاکستاني قام د صلاحيتونو ستائنه كولو سره ووئيل زه په پاكستاني قام وياړ لرم څوك چې په چېلنجونو د قابو موندلو او د ژوند په بېلا بېلو څانګو يو ” فکري برتري ” ترلاسه كولو سره په نړيوالو قامونو كښې د خپل ځان ثابتولو عزم او صلاحيت لرې۔ ده ووئيل زه هېواد د پرمختګ پلو روان وينم كوم چې به ډېر زر په معاشرتي او اقتصادي چېلنجونو قابو ومومي۔ په دې موقع د اېن ډي يو صدر ليفټيننټ جنرل محمد سعيد هم وېنا وكړه
د هندوتوا نظريې له مخې په مسلمانانو د ظلمونو دوامداره ساتلو په صورت به هند كورني اړي ګړي سره مخ شي ۔ د صدرډاکټر عارف علوي په اېن ډييو كښې نړيوال كنفرنس ته وېنا
مضمون کا ماخذ : اسکریچ کارڈ کی پیش گوئی
متعلقہ مضامین
.jpg)
.jpg)
