اسلام آباد۔8جون (اے پی پی):ریلوے دی تاریخ اچ اے پہلا موقع اے جو وفاقی وزیر ریلوے محمد اعظم خان سواتی حادثے دی جاہ تے سارا وقت موجود رہیے تے آپݨی نگرانی اچ رات تئیں امدادی کارروائیاں دا جائزہ گھندے رہیے ۔ ترجمان ریلوے ݙسایا جو وفاقی وزیر ریلوے محمد اعظم خان سواتی ݙوہیں متاثرہ ریل ڳاݙیاں دے مسافراں کوں ہرقسم دیاں سہولتاں ݙیوݨ کوں یقین?? بݨیندے رہیے ۔وفاقی وزیر ریلوے حادثے اچ زخمی لوکاں کوں وختی طبی امداد ݙیوݨ کوں یقین?? بݨاوݨ دے نال نال ہسپتالاں اچ ونڄ تے انہاں دی عیادت وی کریندے رہیے ۔ ترجمان ݙسایا جو وفاقی وزیر ریلوے ریلوے پالیسی دے مطابق جاں بحق تھیوݨ آلے لوکاں کوں 15 لکھ جݙاں جو زخمی تھیوݨ آلے مسافراں کوں معمولی اتے شدید نوعی?? دی انجریز دے مطابق 50 ہزار توں 3 لاکھ روپے ݙتے ونڄݨ دا اعلان وی کیتا ۔وفاقی وزیر ریلوے سارے جاں بحق لوکاں دے لواحقین نال دلی افسوس اتے ہمدردی دا اظہار کیتا۔زخمی تھیوݨ آلے مسافراں اچ ہݨ صرف 23 مسافر شیخ زید ہسپتال رحیم یارخان اچ زیرعلاج ہن، باقی زخمیاں کوں طبی امداد دے بع?? گھر بھیج ݙتا ڳئے ۔
وفاقی وزیر ریلوے حادثے دی جاہ تے موجود رہیے امدادی کارروائیاں دا جائزہ ڳھدا ، ترجمان ریلوے
مضمون کا ماخذ : لکی لیپریچون
متعلقہ مضامین
