اسلام آباد۔21اکتوبر(اے پی پی)و??یر??عظم محمد شہبازشریف 26ویں آئینی ترمیم نال محلاتی سازشاں دا عہد مکیے، میثاق جمہوریت دا ادھورا خواب پورا تھئے، آئینی ترمیم نال جمہوریت دے خلاف خطرات ٹل ڳن، اے ترمیم پارلیمان دی بالادستی کیتے اہم ثابت تھیسی۔ قومی اسمبلی توں 26 ویں آئینی ترمیم دی ݙوترہائی اکثریت نال منظوری دے بعد ترمیم دے حق اچ ووٹ ݙیوݨ آلیاں جماعتاں دے سربراہان دیاں نشستاں تے ونڄ تے انہاں دا شکریہ ادا کر تے ایوان اچ الیندے و??یر??عظم آکھیا جو اڄ ہک تاریخی ݙینھ اے ڄیڑحا قومی یکجہتی اتے اتفاق رائے دی اعلیٰ مثال اے، اڄ ہک نواں سڄھ اٻھریے اتے نویں سویل تھئی اے، پچھلے دور اچ محلاتی سازشاں نال منتخب وزرائے اعظم کوں گھر ٻھیڄݨ دا رستہ ہمیشہ کیتے بند تھی ڳئے، آئینی ترمیم نال انصاف دا سوکھا ملسی اتے عام آدمی کوں انصاف کیتے دیر نا لڳسی، اڄ 2006 اچ بے نظیر بھٹو اتے نوازشریف وچال تھیوݨ آلے میثاق جمہوریت دا ادھورا خواب توڑ پڄیے، اڄ کہیں منحرف رکن ایں ترمیم دے حق اچ ووٹ نئیں پاتا، ساݙے تے کئی الزام لڳن ٻھل اڄ پتا لڳ ڳئے جو پارلیمان بالا دست اے، ماضی اچ پانامہ دے ناں تے اقامہ دی بنیاد تے ہک و??یر??عظم کوں نااہل کیتا ڳئے۔ انہاں صدر مملکت آصف علی زرداری، سابق و??یر??عظم نوازشریف، بلاول بھٹو زرداری، مولانا فضل الرحمان، خالد مقبول صدیقی، چوہدری سالک حسین، عبدالمالک بلوچ، اعجاز الحق، خالد مگسی، عبدالعلیم خان سودھا آئینی ترمیم دی حمایت کرݨ آلے سارے رہنماواں دا شکریہ ادا کریندے آکھیے جو اینڄھی ترامیم نال ملک دا مستقبل محفوظ تھیسی۔ انہاں بے نظیر بھٹو کوݨ خراج عقیدت اتے میاں نوازشریف کوں خراج تحسین پیش کیتے ڄئیں ایندا منݙھ ٻدھیے۔ انہاں آکھیا جو بلاول بھٹو زرداری ترمیم کیتے وݙی محنت کیتی اے، مولانا فضل الرحمان پاکستان دے وسیع تر مفاد کتیے اپݨا موقف رکھیے۔ انہاں نائب و??یر??عظم، وزیر قانون و انصاف کوں وی مبارک ݙتی اتے آکھیا جیکر تحریک انصاف وی ایں ترمیم اچ ہوندی تاں چنڳاں ہا۔ انہاں سپیکر اتے انہاں دے عملے سودھا اراکین اسمبلی دا وی شکریہ ادا کیتے
26ویں آئینی ترمیم نال محلاتی سازشاں دا عہد مکیے، میثاق جمہوریت دا ادھورا خواب پورا تھئے، وزیراعظم دا قومی اسمبلی اچ خطاب
مضمون کا ماخذ : estatisticas lotomania
متعلقہ مضامین
