اسلام آباد۔30اکتوبر(اے پی پی) موسمیاتی تبدیلی بارے وزیراعظم دی کوآرڈینیٹر رومینہ خورشید عالم پاکستان انوائرمنٹل پروٹیکشن ایجنسی کوں وفاقی دارالحکومت اسلام آباد دی ہوا دے معیار کوں چنڳاں رکھݨ سانڳے اقدامات دی ہدایت کیتی اے ۔ جاری بیان موجب دارالحکومت اتے ایندے نیڑے اڄوکے ݙینھاں اچ ہوا دے تکھے وڳڑدے معیاردا سنجیدگی نال نوٹس گھندے وزیر اعظم دی کوآرڈینیٹر پاکستان انوائرمینٹل پروٹیکشن ایجنسی کوں ہدایت کیتی اے جو او ایں مسئلے نال چنڳی طرح نبݨݨ سانڳے ضروری اقدامات کرے۔ انہاں واضح کیتے جو اکتوبر دے ادھ توں توں اسلام آباد اچ ہوا دی وڳڑدی صورتحال مزیدمتاثر تھیندی پئی اے جیں توں شہر دا ماحول خراب تھی ڳئے تے ودھدی آلودگی، مٹی گاݙیاں دے دھوئیں سموگ دے خطرے دی گھنٹی وڄا ݙتی اے ٻہوں شہری علاقیں وانقوں اسلام آباد اچ ہوا دے خراب معیار کوں کئی عوامل نال جوڑیا ویندے ، اہم وجوہات اچ گاݙیاں دے دھوئیں دا خارج تھیوݨ، صنعتی آلودگی، تعمیراتی دھول، فضلہ تے ف??لا?? دی باقیات کوں ساڑݨ شامل اے ۔ بیان موجب شہر اچ ہوا دے خراب معیار دے ذمہ وار انھاں ڈرائیوراں نال نبݨݨ سانڳے متعلقہ ماحولیاتی ضوابط اتے جرمانے دے سخت نفاذ دی لو??ھ اتے آلودگی توں موثر طریقے نال نبݨݨ سانڳے فضلہ دے انتظام دے چنڳے طریقے اتے عوامی بیداری دی مہمات کوں اپناوݨ ہوا دے معیار کوں چنڳاں کرݨ دے اقدامات سانڳے ضروری اے ۔ رومینہ خورشید عالم شہریاں تے زور ݙتے جو او فضلہ اتے ف??لا?? دی باقیات کوں نہ ساڑݨ تے آپ??ا کردار نبھاون ۔ انھاں شہر دے کچرے جمع کرݨ آلے حکام تے وی زور ݙتے جو او مقررہ جہیں توں کچرے کوں باقاعدگی نال جمع کرن تے اینکوں ماحولیاتی لحاظ نال پائیدار اتے سائنسی طریقے نال ٹھکاݨے لاون ۔ پاک ای پی اے حکام آکھیے دارالحکومت اچ ودھدی فضائی آلودگی نال نبݨݨ سانڳے اقدامات کیتے ویندے پئن تاں جو صحت عامہ کوں ایں مضر اثرات توں بچایا ونڄ سڳے ۔ انھاں آکھیے شہر اچ موبائل سٹیشن تےگھٹ لاڳت دے کوالٹی مانیٹرنگ سینسر دے ذریعے ہوا دے معیار دی باقاعدگی نال نگرانی کیتی ویندی پئی اے
