اسلام آباد 27 مارچ (اے پي پي) د دفاع وفاقي وزير پروېز خټك وئيلي دي چې عمران خان سره ولاړ يو او په سباٶن كښې به هم ولاړ يو، عمران خان د اسلامي امت ديانتدار ليډر دے كوم به چې تاسو د نړۍ په وړاندې شرمنده نه كړي. د اتوار په ورځ د اسلام آباد په پرېډ ګراٶنډ كښې د پي ټي آئي امر بالمعروف غونډې ته په خپله وېنا كښې پروېز خټك ووئيل چې مونږ ټولو ته د عمران خان ملګرتيا كول دي، كه مونږ اوده پاتې شو نو نړيوال استعمار به زمونږ هغه حال جوړ كړي كوم ئې چې د سورئې جوړ كړے، كوم چې دوي لېبيا سره كړي دي. ده ووئيل چې عمران خان ولاړ دے او مونږ عمران خان سره ولاړ يو. ده ووئيل چې عمران خان چرته هم نه ځي او ئې د چا پلار لرې كولې شي. ده ووئيل چې مونږ بلېك مېل كړے شو او چې كوم بلېك مېلرز اېم اېن اے راغلي وو ، هغه لاړل. مونږ فخر لرو چې د پي ټي آئي يو غړي هم مونږ نه يو پريښي. ده منحرف غړو ته ووئيل چې تاسو سره ووټ د عمران خان امانت دے، مونږ اوس هم تاسو ته وايو چې بيا به پښېمانه ئې. اولس به تاسو ته درس دركوي. پروېز خټك ووئيل چې تر څو عمران خان ژوندے وي، د پاكستان اولس به ورسره ولاړ وي.
عمران خان سره ولاړ يو او په سباٶن كښې به هم ولاړ يو. پروېز خټك
مضمون کا ماخذ : بہت سے نتائج
متعلقہ مضامین
