راولپنڈی۔20نومبر(اے پی پی) سکیورٹی فورسز بنوں اچ دہشتگرداں دے حملے کوں ناکام بݨا ݙتے، سکیورٹی فورسز دی جوابی کارروائی اچ 6 دہشتگرد ماریے ڳئن جݙاں جو دھماکہ خیز مواد نال بھری گاݙی ٹکراوݨ نال دھماکے دے نتیجے اچ 12 سکیورٹی اہلکار شہید تھی ڳئن۔ آئی ایس پی آ?? موجب 19 نومبر 2024 کوں خوارج بنوں دے علاقے ملی خیل اچ مشترکہ چیک پوسٹ تے حملے دی کوشش کیتی جوابی فائرنگ دے تبادلے اچ 6 خوارجی ہلاک کرݙتے ڳئن ۔ سکیورٹی فورسز حملہ آوراں دی طرفوں پوسٹ اچ داخل تھیوݨ دی کوشش ناکام بݨاݙتی جیں توں بعد خوارج دھماکہ خیز مواد نال بھری ھک گاݙی کوں پوسٹ دی دیوار نال ٹکرا ݙتا۔خودکش دھماکے توں پوسٹ دی حدود دی دیوار دا ھک حصہ ڈھہہ ڳیا تے نیڑے عمار??اں کوں ضیان پڄا ، ایں واقعے اچ 12 سیکورٹی اہلکار جوان شہید تھئن، جنھاں اچ سکیورٹی فورسز دے 10 اتے فرنٹیئر کانسٹیبلری دے 2 اہلکار شامل ہن۔آئی ایس پی آ?? آکھیے علاقے اچ کلیئرنس آپریشن جاری اے تے ایں گھناؤنے عمل دے ذمہ داراں کوں انصاف دی کچاری اچ گھن آیا ویسی ۔ پا??ست??ن دی سکیورٹی فورسز تے قانون نافذ کرݨ آلے ادارے دہشت گردی دے ناسور کوں منڈھوں مکاوݨ سانڳے پرعزم ہن ، ساݙے بہادر سپو??اں دیاں اے قربانیاں ساݙے عزم کوں مزید تکڑا کریندن۔
.jpg)