اسلام آباد 19 ستمبر (اے پي پي) د پاك بحريه مشر اېډمرل محمد امجد خان نيازي د امريكې دوره وكړه او په 24 نړيوال سي پاور سېمپوزيم كښې ئې ګډون وكړو. د پاك بحريه وياند له مخې په سېمپوزيم كښې د 80 څخه د زياتو هېوادونو پلاوو د بېلا بېلو هېوادونو د بحري ځواكونو او كوسټ ګارډ مشرانو پشمول ګډون وكړو. د پاك بحريه مشر د امريٍكې د نېوي سېكرټري كارلوس ډل ټورو او د امريكې د بحريه اعلٰی چارواكو سره مهم ملاقاتونه وكړل. د پاك بحريه مشر د ارجنټينا، فرانس، المان ، ګهانا، جاپان، سري لنكا او د تركيې د بحري ځواكونو مشرانو سره هم جلا جلا ملاقاتونه وكړل. د ملاقاتونو په مهال د شريكې خوښې په چارو او په دوه اړخيزه بحري مرسته خبرې وشوې. د پاك بحريه وياند له مخې د دې څخه وړاندې د پاك بحريه مشر د يو اېس سرفېس وار فيئر سكول دوره هم وكړه چرته چې هغه ته د امريٍكې د بحري ځواكونو د كردار په اړه بريفنګ وركړے شو. د پاك بحريه مشر لخوا دې دورې سره په سپموزيم كښې د شريكو نورو هېوادونو بحري ځواكونو سره په سيمه ايزه او نړيواله كچه سمندري تحفظ لپاره دوه اړخيزه مرسته وده وكړي.
د پاك بحريه مشر اېډمرل محمد امجد خان نيازي لخوا د امريكې دوره، په 24م نړيوال سي پاور سېمپوزيم كښې ګډون
مضمون کا ماخذ : پاور بال کی پیشن گوئی
متعلقہ مضامین
