اسلام آباد ۔ 14 مارچ (اے پی پی) صدر مملکت ممنون حسین آکھے جو پ??ک چین اقتصادی راہداری منصوبے نال وسط ایشیائی ملکاں دے دنیا دے بہوں سارے ملکاں نال رابطے ودھ ویسن اتے ایں منصوبے نال گوادر دی بندرگاہ توں کرغزستان تئیں مختصر ترین رابطہ مہیا تھیسی ۔ انہاں اے گالھ کرغز جمہوریہ دی سپریم کونسل دے چیئرمین چینی بائی ترسن بے کوف دی سربراہی اچ وفد نال ایوان صدر اچ منگل کوں گالھ مہاڑ کریندے ہوئیں آکھی۔ ایں موقعے تے سپیکر قومی اسمبلی ایاز صادق، ممبر قومی اسمبلی عبدالحمید خان، کرغزستان پارلیمنٹ دے حزب اختلاف دے رکناں اتے کرغزستان دے ??اک??تان اچ سفیر بیشیم بیوایرک ادرکینوویک وی موجود ہن ۔ صدر مملکت آکھیا جو ??اک??تان ، کرغزستان، چین ، قزاخستان وچال معاہدے تعلقات کوں نویں سمت ڈتی جیندے نال تجارتی اتے اقتصادی تعاون اچ ودھارا تھیسی ۔ صدر مملکت آکھیا جو ??اک??تان اتے کرغزستان وچال تجارت ڈوہائیں ملکاں دیاں صلاحیتاں توں گھٹ ہے ، اتے ایں کوں بیا ودھاونڑ کیتے کوششاں دی لوڑ ہے ۔ صدر مملکت ایں گالھ ??ے زور ڈتا جو ڈوہائیں ملکاں کوں ڈوطرفہ تجارت دے فروغ اتے ہک بئے دی تجارتی نمائشاں اچ شرکت کیتے کاروباری وفود اتے سر??ای?? کاراں وچال رابطیاں کوں ودھاونڑاں چاہیدے ۔ صدر مملکت امید دا اظہار کیتاجو کاسا 1000 دا منصوبہ 2018ء تئیں پورا تھی ویسی ۔ صدر مملکت آکھیا جو ??اک??تان اتے کرغزستان وچال فضائی رابطہ بحال ہونڑاں چاہیدے تانجو ڈوہائیں ملکاں دی عوام وچال رابطیاں کوں بیا ودھایا ونج سگے ۔ صدر مملکت ??اک??تان دا شنگھائی تعاون تنظیم دا مستقل رکن بنڑنڑ اُتے کرغزستان دی معاونت دا شکریہ ادا کیتے۔
صدر مملکت ممنون حسین دی کرغز جمہوریہ دی سپریم کونسل دے چیئرمین چینی بائی ترسن بے کوف دی سربراہی اچ وفد نال گالھ مہاڑ
مضمون کا ماخذ : پنجاب لاٹری
متعلقہ مضامین
