اسلام آباد 05 مارچ (اے پي پي) د سائنس او ټېكنالوجۍ وفاقي وزير چوهدري فواد حسېن وئېلي دي د ډسكه نه تر سېنېټ ټاكنو الېكشن كمېشن نه كمۍ او كوتاھۍ شوي۔ الېكشن كمېشن به خپل دريځ ته بيا كتنه كولو سره د خپلو اقداماتو د لارې خپلواكي او سپيځلتيا باوري كړي۔وزيراعظم به(نن)د خالي په ورځ د قامي اسمبلۍ نه د اعتماد ووټ اخلي۔د پي ټي آئي دوو غړو لخوا د سېنېټ ټاكنو نه وړاندې الېكشن كمېشن كښې ريفرنس فائل كړے شوے خو په هغې كاروائي ونه كړې شوه او د ډسكه په معامله الېكشن كمېشن د شپې په درې بجې اقدامات وكړل۔ دا وئېل چې په كومه اداره ټكونه نشوو كولے سمه نه ده ۔هغه د جمعې په ورځ پي آئي ډي كښې د اطلاعات او خپرونو وفاقي وزير سېنېټر شبلي فراز او كامياب شوي سېنېټر بېرسټر علي ظفر سره په ګډه خبري كنفرنس ته خطاب كولو۔هغه ووئيل وزيراعظم عمران خان او پي ټي آئي د الېكشن كمېشن او ټولو ادارو احترام كوي۔ دا خبرونه بې بنسټه دي چې مونږ د الېكشن كمېشن مخې ته احتجاج كوونكي يو۔هغه ووئيل ادارې د پرېس رېليز د لارې نه بلكې د اقداماتو د لارې د خپلې سپيځلتيا ٬ آزادۍ او خپلواكۍ څرګندونه كوي۔هغه ووئيل د ادارې لخوا د وزيراعظم په بيان پرېس رېليز مناسب نه دے٬هغه ووئيل وزيراعظم وئېلي دي چې ټاكنې سپېځلې كولو لپاره الېكشن كمېشن ذمه واري نه ده ترسره كړې۔په دې د خفګان په ځاے د شرم محسوسولو او ګامونو پورته كولو حاجت دے۔ هغه ووئيل حكومت او الېكشن كمېشن دې په ګډه داسې تګلاره وضعه كړي چې ورسره ټاكنو كښې د ټګۍ مخ نيوي وكړے شي او سپيځلتيا باوري كړې شي۔هغه ووئيل د ريټرننګ افسرانو د اپوزېشن لارښودو په راتللو اودرېدل او هغه ته هركلے وئېل او د وزيراعظم په راتللو ناست پاتې كېدل كه جانبداري نه ده نو څه دي ؟ ۔د يوې پوښتنې په ځواب كښې هغه ووئيل په وېډيو كښې د ووټونو اخستل٬د سندھ وزير ناصر شاه غږ او د مريم نواز وېناګانې چې زمونږ ټكټ خرڅ شوے٬د دې نه زيات الېكشن كمېشن ته نور كوم ثبوتونه پكار دي۔هغه ووئيل سپريم كورټ هدايت كړے ؤ چې د آئين آرټيكل 220 ٬ 219 او 218 ترمخه دې د هارس ټرېډنګ نه د سېنېټ ټاكنې ساتل باوري كړئ۔د يوې پوښتنې په ځواب كښې هغه ووئيل وزيراعظم نن د خالي په ورځ د قامي اسمبلۍ نه د اعتماد ووټ اخلي٬دا مهال 170 غړي اسلام آباد ته رارسېدلي۔د 189 ووټونو ترلاسه كېدو امكان دے۔بېرسټر علي ظفر ووئيل د آئين له مخې هره اداره آزاده او غېر جانبداره وي۔الېكشن كمېشن آف پاكستان آئيني اداره ده٬هغه د خپلې پرېكړې او عمل د لارې پیژندلې شي خو دا وئېل چې په كومه اداره مونږ ټكونه نه شوو كولے دا خبره سمه نه ده٬د سپريم كورټ په پرېكړو هم ټكونه كېږي۔هغه ووئيل حكومت د سېنېټ ټاكنو له د ټېكنالوجۍ وركولو وړاندېز وركړے ؤ خو الېكشن كمېشن د هغې نه استفاده نه ده كړې٬په دې ټكونه كول زمونږ حق دے ۔ هغه ووئېل ادارې په خط ليكلو نه د خپلو اقداماتو د لارې اعتماد ترلاسه كولې شي
هيله ده الېكشن كمېشن به د اقداماتو د لارې خپلواكي او سپيځلتيا ثابت كړي٬د وفاقي وزير فواد چوهدري د اطلاعات وفاقي وزير سېنېټر شبلي فراز او سېنېټر بېرسټر علي ظفر سره خبري كنفرنس ته خطاب
مضمون کا ماخذ : جیتنے والی لاٹری
متعلقہ مضامین
