اسلام آباد ۔ 2 جنوری (اے پی پی) ابوظہبی دے ولی عہد اتے متحدہ عرب امارات (یو اے ای) دی مسلح افواج دے نائب سپریم کمانڈر شیخ محمدبن زاید النہیان ہک اعلیٰ سطح وف دے رلے پاکستان دے دورے تے ہین۔انہاں اسلام آباد اچ وزیراعظم عمران خان ونا ٓن ون ملاقات کیتی اے جیندے اچ خطے دی صورتحال، مسلم امہ دے مسلیاں،کشمیراچ جاری بھارتی مظالم تے حکمت عملی سودھا ڈو طرفہ تعلقات اتے تعاون ودھاونڑ دے معاملیاں تے الوایا گئے۔ملاقات اچ ڈو طرفہ تجارت،سرمایہ کاری اتے یو اے ای اچ راہنر آلے پاکستانیاں دے سوکھ کیتے اقدامات سودھاہنر منداں دی لوڑھ پوری کرنڑ کیتے تعاون بارے وی گالھ مہار تھئی اے۔ایں توں پہلے معزز مہمان اسلام آباد پجین تاں نور خان ایئربیس تے انہاں دااستقبال وزیراعظم عمران خان کیتے۔ایئرپورٹ تے سوہنڑے بالاں مہمان کوں پھلاں دے گلدستے پیش کیتن۔وزیراعظم عمران خان اپنڑی گاڈی اچ آپ ڈرائیو کر تے ابوظہبی دے ولی عہد کون گھن تے وزیراعظم ??اوس پجین۔محمد بن زاید النہیان دا دورہ متحدہ عرب امارات (یواے ای) اتے پاکستان وچال چنگے تعلقات،باہمی تعاون دے ودھارے کیتے اہم گنڑیاویندا پئے۔امید اے جو اے گانڈھا آونڑ آلے ڈینھاں اچ بیا تکڑا تھیسی کیوں جو یواے ای مشرق وسطی اچ پاکستان داسب توں وڈاتجارتی شراکت دار اتے سرمایہ کاری دا وڈا ذریعہ اے۔یو اے ای اچ سولہ لکھ توں ودھ پاکستانی راہندن جیڑھے سالانہ جی ڈی پی اچ تقریبا 4.5 ارب ڈالر دا زرمبادلہ بھیج تے اپنڑا حصہ پیندن۔
وزیراعظم عمران خان نال ابوظہبی دے ولی عہد، یو اے ای دی فوج دے نائب سپریم کمانڈر شیخ محمدبن زاید النہیان دی ون آن ون ملاقات
مضمون کا ماخذ : لوٹومینیا
متعلقہ مضامین
