اسلام آباد ۔27مئی (اے پی پی)وزیر اعظم شاہد خاقان عباسی آکھے جو چین پاکستان اقتصادی راہداری منصوبہ (سی پیک) دی بنیاد گلگت بلتستان ہے اتے ایندا فائدہ وی گلگت بلتستان کو ںہی ملسی۔اگر سی پیک توں فائدہ گھدا گیا تاںگلگت بلتستان ملک دا سب?? توں خوشحال علاقہ ہوسی۔ اختلاف رائے اپوزیشن دا حق ہے لیکن ڈجھے دا موقف وی سنڑن چاہیدے اتے اختلاف رائے اصولاں تے مبنی ہونڑ چاہیدی ہے،اج گلگت بلتستان دے رہونڑ آلیاں کوں ملک دے بئے شہریاں دے برابر حقوق حاصل ہن، پاکستان دی سول سروس اچ وی گلگت بلتستان کوں کوٹا ڈتا ویسی۔ اتوارکوں گلگت بلتستان قنون ساز اسمبلی نال خطاب کریندے ہوئیں وزیر اعظم آکھیاجو اج دا ڈینھ گلگت بلتستان اسمبلی سانگے سنگ میل ثابت تھیسی ۔ ایندے علاوہ اج دا ڈینھ علا قے دی ترقی اچ وی معاون ثابت تھیسی۔ تساڈے حقوق تساڈے تئیں پجسن ۔وزیر اعظم آکھیا جو مسلم لیگ (ن)دی حکومت گلگت بلتستان دے حوالے نال سب?? توں وڈی تبدیلی ایہ کیتی ہے جو گلگت بلتستان اچ فیصلہ ک??نڑ دا اختیار عوام دے نمائن??اں یعنی گلگت بلتستان دی اسمبلی کوں ڈتے ۔ انہاں آ??ھیا جو گلگت بلتستان قنون ساز اسمبلی دی اپوزیشن دا حق ہے جواوہ اختلاف کرے لیکن ایہ اختلاف اصولاں تے ہونڑ چاہیدن اتے بئے بندے دا موقف وی ونڑن چاہیدے۔ وزیر اعظم آکھیا جو گلگت بلتستان دے عوام کوں حقوق ڈیونڑ اتے فیصلہ ک??نڑ دا اختیار ڈیونڑ سانگے حکومت گزریل ست اٹھ مہینے توں کم کریندی پی ہائی ۔ اساڈی حکومت کجھ لوکاں دی مخالفت دے باوجود انہاں دے اختیارات گھن تے گلگت بلتستان دے عوامی نمائن??اں کوں ڈتے ہن ۔ وزیر اعظم آکھیا جو گلگت بلتستان دے امور دے وفاقی وزیر محمد برجیس طاہر دی وزارت دی مخالفت دے باوجود اساں ایہ کم کیتے ۔ انہاں آ??ھیا جو آئین اچ موجود پرنسپل آف پالیسی گلگت بلتستان تے وی لاگو تھیسی۔ ترمیم دے بعد صوبیں کوں جیرھے حقوق ملے اوہ سارے حقوق گلگت بلتستان کو ں وی حاصل ہن اتے گلگت بلتستان دی قنون ساز اسمبلی کو ں اختیار حاصل ہے جوا وہ ایں حوالے نال قنون بنڑاوے ۔اختیارات گلگت بلتستان دے چیف سیکرٹری کنوں ہوسن جیرھے جو پہلے کائنی ہوندے ہن جڈانجو فنڈز خرچ ک??نڑ دااختیار وی مقامی قیادت کوں حاصل ہوسی۔ انہاں آ??ھیا جو اساڈی حکومت دی آئینی مدت پوری ہونڑ اچ چار ڈینھ باقی ہن اتے اگر گلگت بلتستان دے وزیر اعلیٰ ایں حوالے نال کوئی بئی تبدیلی چاہندن تاں اساں ک??نڑ سانگے تیار ہسے ۔ویر اعظم آکھیا جومیڈی خواہش ہائی جو اج گلگت بلتستان قنون ساز اسمبلی اچ اپوزیشن اساڈی گالھ سنڑدی ۔ انہاں آ??ھیا جوگلگت بلتستان دے حوالے نال جیرھاانتظامی حکم جاری کیتا گئے مستقبل اچ کوئی وی تبدیلی نی کیتی ونج جا سگسی کیونجو ایہ گلگت بلتستان دے فائدہ سانگے ہے ۔ انہاں آ??ھیا جو گزریل سال دی نسبت جاری سیاحتی سیزن اچ سیاحواں دی تعداد اچ ودھارا تھیسی اتے سی پیک توں فائدے گھن تے گلگت بلتستان ملک دا سب?? توں ودھ خوشحال علاقہ بنڑسی ۔ گلگت بلتستان دے ہک ڈینھ دے دورہ دے موقع تے وزیر اعظم دے کٹھے امور کشمیر تے گلگت بلتستان دے وفاقی وزیر محمد برجیش طاہروی موجود ہن ۔
وزیراعظم شاہد خاقان عباسی دا گلگت بلتستان قنون ساز اسمبلی نال خطاب
مضمون کا ماخذ : پشاور لاٹری
متعلقہ مضامین
.jpg)
.jpg)
